Gindepensahan ni Interior and Local Government Secretary Benhur Abalos ang ginaalegar nga ‘overkill’ sa pagserbe sang warrant of arrest batok kay Kingdom of Jesus Christ (KOJC) leader Apollo Quiboloy.
Suno kay Abalos, indi overkill ang operasyon sang Special Action Force (SAF) kag Criminal Investigation and Detection Group (CIDG) bangud pag¬handa lamang ini sa posible nga matabo matapos nga magbuya sang tinaga si Quiboloy nga indi ini magpadakop sang buhi.
Paathag ni Abalos, ang madamo nga numero sang mga pulis ang augmentation lamang bangud man sa kalaparon nga mga lugar nga ginapag-iyahan ni Quiboloy kag sa kadamuon sang mga tagasuporta sini.
Dugang pa ni Abalos, luyag lamang sang mga pulis nga maproteksyunan ang ila kaugalingon sa ano man nga sahi nga opersyon.
Matandaan sang tinalikdan nga aga sang Lunes, may nagluntad nga kumusyon sa tunga sang mga otoridad antes ginserbe ang warrant of arrest batok kay Quiboloy para sa kaso nga child kag sexual abuse.
Apang napaslawan sang mga ini nga maabtan ang pastor sa Buhangin District, Davao City at Glory Mountain at Prayer Mountain sa Barangay Tamayong, Davao City.
Nagpanugyan naman si Abalos kay Quiboloy nga magsungka na lamang kun matuod nga inosente ini.
