Kris Aquino kag Boy Abunda, liwat nga magaupdanay sa telebisyon matapos ang 11 ka tuig

Liwan nga magaupdanay sa telebisyon ang Queen of All Media nga si Kris Aquino kag ang King of Talk nga si Boy Abunda matapos ang 11 ka tuig.

Ginkumpirmar ni Abunda sa iya programa nga igapakita sa telebisyon ang ila duha ka bahin nga panayam, nga nagatalakay sa kahimtangan sang panglawas ni Aquino, handum nga magpadayon sa pagkabuhi, plano nga magbalik sa trabaho, kabuhi sa gugma, kag panan-aw sa politika.

Ginpahayag man ni Abunda nga ang mga anak ni Aquino nga sanday Bimb kag Joshua ang nagahatag sa iya sang kusog sa pag-atubang sang iya mga balatian nga autoimmune.

Suno kay Abunda, makita liwat sang publiko ang Kris Aquino nga ila naandan—mabaskog, puno sang kabuhi, kag bukas sa pagpaambit sang iya matuod nga kaugalingon.