-- ADVERTISEMENT --
Nagdangat sa 25,000 ka ginapatihan kaso sang heat stroke kag 56 ang ginbawian sang kabuhi sa pungsod India bangud sa heat wave sumugod pa sang bulan sang Marso.
Nahibaluan nga ang tinalikdan nga bulan sang Mayo ang ginakabig pinakamainit nga panahon sa kapital sini nga Delhi matapos nagdangat sa 50 degrees Celsius ang temperature.
Basi sa datos sang National Center of Disease Control (NCDC) 46 ka heat-related deaths kag 19,189 ka ginapatihan kaso sang stroke ang nabalhag sang Mayo.
Ginapatihan nga posibli nagadangat na sa 80 ang numero sang mga napatay.
Ginalauman nga magahagan-hagan ang epekto sang heat wave tuga sang temprano nga pagsulod sang tingulan sa southern state sang Kerala nga makapabugnaw sa panahon.
