KORONADAL CITY- Nagapadayon sa karon ang monitoring sang City Disaster Risk Reduction Management Officer sang Koronadal may kaangtanan sa asud-asud nga grassfire sa siyudad.
Ini ang nangin pahayag ni Cyrus Urbano – City Disaster Risk Reduction and Management Officer sa interbyu sang Bombo Radyo Koronadal.
Suno sa iya, tatlo ka barangay ang ila nga ginamonitor karon makaligad nga apektado sang grassfire — ang Brgy. San Jose, Saravia, kag Brgy. Paraiso
Suno sa opisyal , resulta na ini sang tuman kainit nga panahon.
Yara na sa anom tanan ka insidente sang Grassfire ang siyudad sang Koronadal sa subong nga bulan sang Marso nga padayon pa nga ginabiripika sang ila nga talatapan kung pila ang kabug usan nga danyos.
Dako naman ang pagpasalamat sang opisyal nga wala man sang may nadalahig nga mga panimalay apang indi sa gihapon magkumpyansa.
Sa karon, gilayon nga nagkoordinar ang ila nga talatapan indi lamang sa mga barangay nga apektado apang sa 27 ka mga barangay bangud sa karon nga bulan sang Marso, indi gid makaeksperyensya sang tag-ulan — amo nga kinahanglan nga maghalong kag kag likayan ang anuman nga mga aktibidad nga mangin tunaan sang sunog.
