KORONADAL CITY- Nagbalik sa sabakan sang gobyerno ang 15 ka Bangsamoro Islamic Freedom Fighters Karialan faction sa bulig kag inisyatiba ni Cotabato City Mayor Bruce Matabalao.
Suno kay Matabalao, nagpabulig ang nasambit nga rebelde agud nga takasan ang tuman ka gamo ka buluhaton sang mga rebelde.
Ginhatagan sang livelihood assistance ang mga surrenderees sa bulig sang Office of the Presidential Adviser on Peace, Reconciliation and Unity(OPAPRU), Ministry of Social Services and Development(MSSD), kag Ministry of the Interior and Local Government(MILG).
Gin awhag sang alkalde ang iban pa nga luyag nga magbalik kag magbag o ang kabuhi, bangud bukas ang gobyerno para sa mga tao nga nangin biktima sang mali nga edilohiya sa Bangsamoro Autonomous Region in Muslim Mindanao.
Ang mga nagsungka nga rebelde ang gikan sa Datu Salibo, Datu Saudi Ampatuan, Maguindanao del Sur kag kaiping nga banwa.
Nag atubang sa AFP, PNP, kag BARMM Officials ang mga returnees kag nagpanumpa nga indi na liwat pa nga maga uyat sang armas kag mangin rason sang kagamo sa palibot.
