Nagapadayon sa imbestigasyon sang Mamasapano PNP sa nagluntad nga pagpangluthang sa highway sang Brgy. Libutan, Mamasapano, Maguindanao del Sur.
Ginkilala ang mga biktima nga amo sanday Dionisio Hinay, 56-anyos kag ang bata nga si Janine Hinay, 28-anyos, nga mga residente sang Monteville, Barangay EJC Montilla, Tacurong City.
Suno sa imbestigasyon, ginholdap ang duha sa Brgy. Pagatin, Datu Salibo kag gintistingan pa sini nga lagson ang mga hold-upper tubtub sa pag-abot sa Brgy. Libutan sang Mamasapano sang sila ang ginluthang sang mga suspek.
Sa report sang PNP, sakay ang mag-amay sa isa ka payung-payong nagabaligya sang kape sang ginparahan sila sang mga suspek sa pagkahibalo nga magbakal ang mga ini.
Apang gilayon nga ginkuha ang bag sang isa sa mga biktima nga unod nga kwarta nga naglab ot sa P30,000.
Ginluthang ang mga ini apang ginbawian sang kabuhi sa balay bululngan ang bata sini samtang padayon nga nagapaayo ang amay.
Sa karon padayon sa gihapon ang hot pursuit operation batok sa mga suspek.
