Nagdangat sa mosobra tunga sa milyon ang danyos sang nagluntad nga sunog sa isa ka balay sa bahin sang Banga, So.Cot. Ini ang nanginpahayag ni SFO4 Henry Benosa, ang Banga Fire Marshall sa interbyu sang Bombo Radyo KOronadal.
Suno pa sa iya, nag-umpisa ang insidente bangud sa nabilin nga nagasiga nga kandila sa altar sang isa ka balay rason sang pagkasunog sini sa bahin sang Brgy. Malaya, Banga, South Cotabato kahapon, Pebrero 19, 2024.
Dugang pa sang opisyal, ang balay nga nasunog ang ginapanag-iya sang isa ka 80 anyos nga si Elena Pacial. Ginsaysay suno pa sini nga dako na ang kalayo sa sulod sang balay sang mapansin ni Pacial rason nga hindi na niya nahimo pa nga matapna ang kalayo.
Palayag naman ni Benosa, apisar fully concrete ang nasunog nga balay madamo ini sang unod nga highly combustible materials rason sang madasig nga paglapta sang kalayo.
Apisar wala suno pa sang napilasan ukon nalakip nga casualty sa sunog, naglab-ot naman sa masobra tunga sa milyon nga balor sang mga kagamitan ang naabo. Kaangot sini, nagpahinumdum naman si Benosa sa publiko nga dapat magdoble halong agud nga makalikaw sa sunod nabi na sa karon nga nagalala ang tag-init kag paabot na man ang Fire Prevention Month.
