KORONADAL CITY – Nakatalana na nga mag-abot ang bangkay sang mga biktima sang nahulog nga Ceres Bus sa pil-as sa Barangay Igbucagay, Hamtic, Antique nga taga South Cotabato sa palaabuton nga Sabado.
Ini ang nanginpahayag ni Mr. Broderick Train, Head sang Antique Provincial Disaster Risk Reduction and Management Office sa interbyu sang Bombo Radyo Koronadal.
Suno sa iya , preperado na ang tanan nga mga dokumento sang mga biktima agud madala na pauli ang mga ini.
Suno kay Train, may yara na sang initial nga ginhatag ang Vallacar Trancit Inc., sa pamilya sang mga biktima.
Sa subong, nagapangabay ang nasambit nga opisyal nga indi na madugangan pa ang numero sang patay bangud sa karon nagapadayon nga nagapaayo ang mga pilason sa hospital sa Ilo-ilo.
