KORONADAL CITY- Ginbaton sang gobyerno sang M’lang Cotabato kag sang 602nd Infantry (Liberator) Brigade, 6ID, PA ang apat ka mga miyembro sang Armed Lawless Groups (ALGs) nga nagbalik-sa sabak sang gobyerno sa bulig sang 90th Infantry (Bigkis-Lahi) Battalion.
Ginhiwat ang seremonya sa Mayor’s Office, M’lang, Cotabato.
Kadungan sa ila nga pagsungka ang ila nga mga armas kasubong sang US Garand Rifle with SN 466021; US Garand Rifle with defaced serial number; locally made Cal .50 Sniper Rifle with serial number 157188; duha ka homemade RPG; bala sang RPG kag tatlo ka bala sang rifle grenade.
Sa pagpanguna sang LGU M’lang, Cotabato, nakabaton sang gilayon nga bulig pinansyal ang apat ka mga nagsungka nga ila naman nga pagagamiton para sa pagbag-o sang ila nga kabuhi upod ang ila naman nga pamilya.
Nagsungka suno pa ang mga ini bangud sa luyag nga makapangabuhi sang tayuyon kag malinong.
Sa karon, nagapabilin nga bukas ang talatapan sang mga kasuldaduhan sa mga luyag pa nga magsungka o kun magbalik sa sabak sang gobyerno.
