Arestado ang isa ka 24-anyos nga estudyante bangud sa pagbayolar sang COMELEC gun ban sa Tantangan, South Cotabato.
Ini ang ginpahayag ni PMaj Randy Apostol, Chief of Police sang Tantangan PNP, ginpahayag sini nga nakwaan sang bala ang ginkilala nga suspek nga si alyas “Erick”, sa Brgy. New Iloilo, Tantangan, South Cotabato.
Narekober sa suspek ang isa ka yunit sang Cal 9mm pistol nga may lakip nga magazine kag lima ka bala.
Napaslawan ang suspek nga magpakita sang mga nagakaigo nga dokumento amo nga gilayon ini nga gin aresto sang otoridad para sa kaso nga pagbayolar sa Comelec Gun Ban kag Comprehensive Firearms and Ammunition Regulation Act.
Padayon naman ang pagpanawagan sang opisyal sa publiko nga mag kooperar sa ginapatuman nga election gun ban kag likayan nga magdala sang mga armas kag illegal nga mga gamit bangud ang mga pulisya ang nagapadayon sa pagtutok agud masiguro nga mangin luwas ang palaabuton nga Sangguniang Kabataan Elections 2023.
