KORONADAL CITY- Yara sa apat ka mga kabataan ang ginbawian sang kabuhi makaligad nga naigo sang influenza outbreak kag pneumonia ang siyam kamga Sitio sa Barangay Ned, Lake Sebu, South Cotabato.
Ini ang kumpirmasyon ni South Cotabato Provincial Health Officer Dr. Rogelio Aturdido Jr sa interbyu sang Bombo Radyo Koronadal.
Suno sa iya, sa karon yara sa 172 ang napagkit nga apektado sandig sa ila nga surveillance kag case investigation.
Ginpahayag pa sang Doktor, nnga naka eksperyensay sang pag-ubo, sipon kag lagnat ang mga biktima nga kadam-an amo ang mga kabataan.
Bangud sa padayon nga pagtaas sang kaso, gilayon nga naghiwat sang site visitation ang Integrated Provincial Health Office (IPHO) agud ipakita ang sitwasyon sang mga residente kag ginhiwat sang information education campaign.
Sa karon, ginahulat pa ang resulta sang mga samples nga ginpadala sa Manila agud matumod kung ano ang rason sang madasig nga pagadamo sanng kaso.
Ginpkalaro naman sang opisyal nga ginpaidalom sa rapid testing ang mga biktima kag negatibo naman ang mga ini sa covid-19.
Kaangot sini, ginrekomenda sang opisyal ang pagbutang sang satellite barangay health center sa Sitio Blit kag isa ka midwife agud nga mapasangkad pa ang vaccination sa mga kabataan batok sa mga laban sa mga vaccine-preventable diseases ilabi na nga manubo ang numero sang mga kabataan nga nabakunahan bangud sa tuman kalayo ang mga sitios sa Barangay Health Center.
Samtang nagapadayon naman ang monitoring sang IPHO South Cotabato sa mga apektado nga residente.
