KORONADAL CITY- Padayon man ang assessment sang OWWA 12 may kaangtanan sa mga OFW nga yara karon sa Sudan makaligad ang padayon nga kinagamo sa lugar kag madamo sang mga pinoy ang apektado.
Sa interbyu sang Bombo Radyo Koronadal kay Ms. Marilou Sumalinog, ang Regional Director sang OWWA 12, ginpahayag sini nga wala pa sila sang may nabaton nga report nga may yara sang mga OFWs nga gikan sa Region 12 nga apektado sa karon sa Sudan, apang padayon ang ila naman nga pakig-angot sa DFA , DMW kag sa emabahada agud nga gilayon malakip sa repratriation ang mga nasambit nga mga OFWs.
Nahibaluan nga may mga Pilipino nga apektado sang kinagamo sa Sudan kadungan sang 72 oras nga ceasefire sang duha ka magka-away nga faction// Ang mga Pilipino ang dapat nga i-repatriate na sa labing madali nga panahon.
Sa karon, ang 400 ka mga Pilipino sa Sudan ang nagahimo sang pamaagi agud nga makasalbar kag makapalagyo nagikan sa kinagamo.
Ginatinguha-an sang gobyerno nga mapangitaan sang temporaryo nga trabaho ang mga apektado nga mga OFWs.
