KORONADAL CITY- Nagapadayon sa karon ang imbestigasyon sang mga otoridad sa nagluntad nga pagpangluthang-patay sa isa ka empleyado sang MAGELCO sa may bahin sang diversion road, Upper Capiton, Datu Odin Sinsuat, Maguindanao del Norte.
Ini ang ginpahayag ni PMAJ Regie Abellera, Chief of Police sang Datu Odin Sinsuat Maguindanao, sa interbyu sang Bombo Radyo Koronadal.
Suno sa iya, ang nasambit nga biktima ang ginkilala kay Alhassan Maongco, isa ka empleyado sang MAGELCO kag nahibaluan nga isa siya ka utod sang anay MAGELCO General Manager nga si Ashary Maongco.
Sa imbestigasyon sang mga otoridad, nahibalua nga ginsubay ni Maongco ang dalan sang diversion road, Upper Capiton, sakay ang iya nga Fortuner nga may plate number nga KAF 3615, sang hinali na lamang ini ginluthang sang mga wala pa nakilal an nga mga suspek bangud gilayon ini nga nakapalagyo sa wala pa nahibaluan nga direksyon.
Wala pa man sang makita nga motibo ang mga otoridad bangud sa karon, wala pa sang may ginpaguwa nga statement ang himata sang biktima.
Apang dako ang pagpati sang mga otoridad nga basi nakaangkon ini sang pagpamahog ang biktima antes ang insidente.
Sa karon, wala ginasirado sang mga kapulisan ang ini nga kaso agud nga dali matumod ang mga suspek nga yara sa likod sang sini nga krimen.
