KORONADAL CITY- Dead on arrival ang isa ka vendor makaligad nga ini ang ginluthang pasado alas 6 sang aga kaina samtang yara ini sa ila nga pwesto sa atubang sang Marbel 1 Central Elementary School sa Brgy. GPS, Koronadal City.
Sa interbyu sang Bombo Radyo Koronadal kay Pauline Amodia, asawa sang biktima, ginpahayag sini nga ang iya nga asaw ang ginkilala kay Ronnie Almodia alyas Amay, 51-anyos, vendor, residente sang nasambit nga lugar.
Suno pa sa iya, naga preparar sila sang ila nga mga hilikuton sa ila nga pwesto sang nakabati siya sang isa ka lupok nga kung sa diin nangin tunaan nga siya ang naguwakag didto nakit an niya ang iya bana nga ginluthang.
Nakit an niya pa ang suspek nga nagapalagyo nga nagadala sang armas samtang may gahulat ini sa iya nga naka motor nga nagasakay sa isa ka Baja.
Nakaangkon suno pa sang igo sa iya nga mga lawas ang biktima kag gilayon naman ini nga gin dangat sa Balay Bululngan apang gindeklara ini nga dead on arrival sang doktor.
Riding in tandem suno pa ang suspek sa pagpangluthang sa biktima.
Gindugang pa ni Pauline nga wala sila sang may makit an nga motibo sa krimen bangud wala man sang may nabaton nga pagpamahog o kun kontra ang iya nga bana.
Sa karon, nagapadayon ang imbestigasyon sang mga otoridad sa sini na naman nga panghilitabo.
