KORONADAL CITY- Nagapati ang Polomolok Mayor nga si Bernie Palencia nga siya ang target sang mga suspek nga nagluthang sa iya nga private secretary nga si R Balili.
Inosente, waay sang sala, ukon kaaway ang iya nga private secretary. Ini ang nangin pahayag ni Polomolok Mayor Bernie Palencia.
Suno saiya nga wala sila sang maisip nga rason ukon threat nga may motibo nga patyon ang iya nga private secretary nga kung sa diin kumpyansa ang iya nga private secretary nga magkadto bisan diin nga waay sang escort nga kaupod.
Dugang pa sini, ang mga suspek nga naghiwat sang pagpangluthang sa iya nga mga katawhan, kay luyag ipahibalo sa mga pumuluyo nga maluya kag mahalug ang iya nga pagdumala natuhoy sa pag deklarar sang peace and order sa nasambit nga banwa. Gapati ini nga nagapaambit ang mga suspek sang mali nga mensahe sa mga pumuluyo agud mahigkuan ang iya nga pangalan.
