KORONADAL CITY- Syam ka mga inmates sa South Cotabato Rehabilitation and Detention Center ang nagpositibo sa panibago nga drug test.
Sa interbyu sang Bombo Radyo Koronadal kay OIC Jail Warden Lory Celeste ginpahayag sini nga ginhiwat ang nasambit nga drugtest sang Pebrero 20, 2023 sa 33 nga mga inmates nga ginasuspetsahan nga nagagamit sang druga matapos nga makabaton sang report nga may nakasulod nga ilegal nga droga sa jail.
Suno kay Celeste, lunsay mga lalaki ang nagpositibo kung sa diin lima diri ang halin sa selda 21 kag apat naman ang may conjugal visit o may asawa.
Dugang pa sini nga dalawa sa mga inmate na nagpositibo ang anay nga nagpositibo man sa drug test// Gilayon naman suno pa nga naghiwat sang generel greyhound operation sa provincial jail kag nakumpiskar ang pila ka selpon, matalom na bagay kag droga nga ginsurrender sang inmate.
Tatlo ka anggulo naman ang ginatan-aw ni Celeste sa pagpositibo sang mga inmates sa droga, una sini ang posible nga paghaboy halin sa gwa, ikaduha ang pinaagi sa escort kung may yara sang hearing sa korte ang mga inmate, kag ikatatlo amo ang posible nga pagkasangkot sang mga jail guard.
Padayon ang pagpasangkad sang seguridad sang South Cotabato Rehabilitation Center sa sulod sang selda agud nga malikawan ang pagpasulod sang illegal nga droga.
Madumduman nga isa sa mga ginapatihan ni South Cotabato Governor Reynaldo Tamayo Jr nga kasabwat ang mga gwardya sang South Cotabato Rehabilitation and Detention Center (SCRDC) sa pagpasulod sang illegal nga druga sa sulod.
Ini man matapos nga may mga nagapositibo na mga inmates sa ginahiwat sini nga drug testing kasamtangan lamang.
Apang sa piyak sini suno sa Gobernador nga wala pa ini sang insakto nga ebidensya nga magapamatuod sa involvement sang mga gwardya.
Nahibaluan man nga nagdeploy na ang gobernador sang mga tao sa sulod sang selda agud nga mag-monitor sa hulag sang mga jail guards kag ginapsigurado sini nga magapangatubang ang mga responsable.
Samtang nahibaluan man nga pagadugangan man ang mga CCTV cameras sa provincial jail agud nga mapahugot pa gid ang pagbantay sa nasambit nga pasilidad.
