KORONADAL CITY- Na-neutralize sa ginpatigayon nga enforcement operation ang ginatumong nga notoryos na high ranking official sang New Peoples Army (NPA) Far South Mindanao Region sa banwa sang Tboli, South Cotabato.
Ini ang ginkumpirma ni Captain Krisjuper Andreo Punsalan, civil military operations Officer sang 5th Special Forces Batallion, Philippine Army sa interbyu sang Bombo Radyo Koronadal.
Ginkilala ang napatay nga si Martin Mino Fay, kilala bilang Kidlat o Diego, ang Vice Commander ng Front Operational Command, Guerilla Front MUSA, Far South Mindanao Region kag residente sang Barangay Lam-apos, Banga, South Cotabato.
Lakip si Kidlat sa nagkalain-lain nga karahasan sa South Central Mindanao kag may kaangtanan man sa serye sang pagpamomba sa mga bus, panunog sa mga public transportation vehicles kag mga heavy equipment// Ang nasambit nga NPA official ang ginsugo suno pa nga magdul-ong sang mga pagkaun kag medical supplies sa mga rebelde nga yara sa nabukid nga bahin parte sang South Cotabato.
Ginpangunahan man suno pa sini ang recruitment kag pagsalakay sa mga detachment sang military kag mga otoridad sa Mindanao.
Dugang pa ni Punsalan, yara sa pito ka mga armado ang kaupdanan ni Kidlat sang makasagupa ini sang ila nga pwersa amo nga nagluntad ang kinagamo nga nagresulta sang pagkapatay sang rebelde.
Nakuha sa posisyon sini ang 45 caliber pistol, mga live ammunition, isa ka hand grenade kag mga personal na gamit sini lakip na ang subersibo nga dokumento.
Ginakabig suno pa nga kuta sang mga rebelde ang lugar kung sa diin natabo ang engkwentruhanay.
Samtang, gina-ingganyo man ni Punsalan ang mga kaupdanan ni Kidlat nga magabalik sabak na sa gobyerno.
