KORONADAL CITY-Nagapadayon sa karon ang imbestigasyon sang mga otoridad sa nagluntad nga pagpanambang patay sa isa ka kapitan kag sa iya nga asawa sa National Highway, Sitio Timbangan, Barangay Sarmiento, Parang, Maguindanao del Norte.
Ini ang nangin pahayag ni PMaj Christoper Cabugwang, Chief of Police sang Parang Municipal Police Station sa interbyu sang Bombo Radyo Koronadal Ginkilala ang mag -asawa nga sanday Abubacar Abdul, Kapitan sang Barangay Polloc, Parang kag asawa sini nga si Baisa Abdul.
Suno pa sa otoridad, sakay ang mag-tiayon sa isa ka duag nga toyota Hilux nga ginamaneho ni Kapitan Abdul sang gin paulanan sila sang bala halin naman sa isa ka gunman. Yara suno pa sa lima ka basyo sang caliber 45 pistol ang narekober sang SOCO sa crime scene.
Nadala pa sa balay bululngan si Abucalar apang ginbawian man gihapon ini sang kabuhi.Samtang ginkundina naman sang pamunuan sang PRO BAR ang natabo sa mag-asawa.
Gilayon naman nga nagdihon sang Special investigation task group ang kapulisan agud gilayon nga maresolbar ang kaso sa pagpatay sa mga biktima.
May kaangtanan sa pulitika kag personal grudge naman ang ginalantaw nga motibo sang mga otoridad sa krimen.
