KORONADAL CITY- Patay ang Deputy Secretary sang isa ka Communist Terrorist Group kag mga kaupdanan sini sa gin patigayon nga operasyon sang mga militar kagahapon nga adlaw dira sa bahin sang Brgy. New La Union sa banwa sang Maitum Sarangani Province.
Ini ang ginkumpirma ni Lt. Col. Dennis Almoarato, Spokesperson sang 6ID Phi. Army sa interbyu sang Bombo Radyo Koronadal.
Suno sa iya, ang napatay nga mga miyembro ang ginkilala sa kanday ARNOLD AMAD alyas ” Kempee Maguan” kag alyas “BamBam” ang 2nd Deputy Secretary sang Guerilla Front Musa sang Far South Mindanao Region kag kaupod sini ng ginkilala sa kay alyas “Saysay”.
Ginpahayag pa sini nga ang grupo sang isa ka Anthony Narvasa alyas “Magaw,Omar kag Nimad” nga sekretaryo man sang GF Musa FSMR ang nakaengkwentro sang mga kasuldaduhan samtang 2 pa ang nakapalagyo.
Nakuha sang mga otoridad ang 1 ka kalibre 45 nga armas luthang sa hinambitan nga duog.
Gindugang pa sini nga una na nga nadiskubreham sang mga militar ang ginakutahan sang nga CTG nga sakop sang Brgy. La Union sa banwa sang Maitum.
Sa karon mas ginpasangkad pa sang mga tropa ang ila nga pwersa agud sa posible nga retalliatory attack sang mga terorista bangud sa napatay nila nga mga kaupdana.
