KORONADAL CITY– Nagapadayon ang monitoring sang katapo sang OCD-12 sa nagkalain lain nga lugar sang Region 12 makaligad nga naapektuhan ang pipila ka mga probinsya sang pagbaha dala naman sang malain nga panahon tuga sang LPA .
Sa interbyu sang Bombo Radyo Koronadal kay Ms. Joeremae Balmediano, Information Officer sang OCD 12, ginpahayag sini nga base sa ila nga panibag o nga datos, nakapagkit sang isa na ka missing bangud sa pagbaha sa may bahin sang Saranggani Province samtang yara gihapon sa halos 200 ka pamilya ang apektado sang malapnagon nga pagbaha bangud sa wala untat nga pagbubo sang ulan sa banwa sang Kabacan , North Cot.
Suno sa opisyal ang nasambit nga mga pamilya ang nagikan sa Barangay Pisan, Bangilan kag Bannawag .
Dugang pa sini, lubog man sa baha ang mga barangay sang Bangilan, Upper Paatan kag Malanduague.
Magluwas sa banwa sang Kabacan, apektado man ang pila pa ka mga kaiping nga mga lugar bangud man sa mga pag-ulan nga naeksperyensiyahan.
Gindugang pa sini nga mangin man sa South Cotabato ang nangin apektado man partikularmente sa bahin sang Suralla nga amo naman ang tulay nga narumpag sa Purok Riverside, Barangay Tubi-Ala.
Sa subong nagapadayon ang assessment kag evaluation sang mga otoridad sa kabug-usan nga damyos nga ginbilin sang pagbaha sa nasambit nga mga lugar.
