Naglab-ot na sa 17 ang ginbawian sang kabuhi bangud sa snow storm sa pungsod Japan.
Ini ang ginkumpirmar ni Bombo International News Correspondent Josel Palma sa interview sang Bombo Radyo Koronadal.
Suno kay Palma, ang mga napatay ang natabunan sang snow samtang yara naman sa masobra 93 ang injured.
Madamo man ang kabalayan nga nadulaan sang kuryente bangud sa powerful Winter Front nga nagdala sang madamol nga snow.
Magluwas sini, may ginatus ka salakyan man nga nagkalastranded kag madamo nga serbisyo ang nadelatar ilabi na sa coastal area sang Sea of Japan.
Mangin sa North Eastern sang nasambit nga pungsod tuman man nga apektado kun diin tatlo ka beses nga mas madamol suno pa ang snow nga nagtupa didto kun ikumparar sang nagliligad.
Wala naman sang may nareport nga Pinoy nga nalamita sa mga casualties apang padayon ang monitoring sang Phillippine Embassy to Japan sa mga Pinoy nga yara didto.
Sa subong, indi pa matumod kun san-o mag-untat ang snow storm sa Japan.
