KORONADAL CITY – Nagpanindugan ang isa ka iloy sang isa sa tatlo ka napatay nga kabataan sang Kapulisan sa isa ka law enforcement opeartion sa Lambayong Sultan Kudarat.
Sa interbyu sang Bombo Radyo Koronadal kay Soraine Ansar, iloy ni Horton Arsad, Jr. ginpahayag sini nga nagahingyo sila sang mas madalom nga imbestigasyon sa natabo agud maathagan ang tanan.
Luyag sini nga mapalab ot sa gobyerno national ining panghilitabo bangud indi suno pa mapatihan ang pahayag sang PNP Lambayong nga may armas ang iya bata kag nagbato ini sa kapulisan.
Masakit suno pa sa iya bangud bilang isa ka ginikanan, kaayuhan lanag man ang iya nga luyag sa iya nga bata nga kung sa diin kilala niya ang iya nga bata.
Dugang pa sini, mabuot ang iya nga bata kag mahiligon lamang ini nga naga hampang sang ML- rason nga mabudlay patihan nga may armas ini.
Sa karon padayon ang iya nga pangabay kaupod ang iban pa nga mga ginikanan nga masabat ang dapat nga manabat.
Samtang sa pihak nga bahin dako man ang ila nga pagpasalamat sa mga tao nga nagabulig agud iduso ang kaso batok sa mga nagpatay sa ila nga mga kabataan.
