KORONADAL CITY – Ginbawian sang kabuhi ang isa ka suno pa motornapper matapos nga magbato sa mga otoridad sa Purok Liwayway,Barangay Saliao, Esperanza ,Sultan Kudarat.
Ginkilala ang napatay nga suspek nga si Kol Masdal, yara sa legal nga edad kag residente sang Sitio Kamanga,Barangay Laguilayan,Isulan ,Sultan Kudarat.
Suno kay P/Maj Samuel DomingoAyon, hepe sang Esperanza MPS, nagpanumbungon ang biktima sang motornapping nga si Bader Kasim Nilong nga ginkuha ang motor sini rason nga nagpatigayon sang operasyon ang mga otoridad.
Sa panaysayon ni Nilong, gintayaan pa siya sang armas sang suspek antes ginkuha ang motorsiklo nga Kawasaki Bajah CT 125.
Nakorner naman ang suspek sa Purok Banawag ,Barangay Villamor sang nasambit nga banwa.
Nagresulta naman sa shootout ang operasyon matapos nga nagbato ang suspek.
Gindala pa sa pinakamalapit nga hospital ang suspek apang gindeklaraar nga dead on arrival sang attending physician.
Na-recover naman sa crime scene ang motor sang biktima, isa ka caliber 45 pistol, mga bala kag 3 small sachet sang ginapatihan nga shabu.
