KORONADAL CITY- Indi suno pa kasali ang mga 4Ps benefeciaris kag mga scholarship guarantees sang gobyerno sa mnga kwalipikado nga makabaton sang Educational Cash Assistance for student in crisis.
Ini ang ginpahayag ni DSWD 12 Regional Director Restituto Macuto sa interbyu sang Bombo Radyo Koronadal.
Suno sa iya amo sini ang bag o nga pronouncement ni Secretary Erwin Tulfo kag agud nga mahatagan sang prioridad ang mas pigado kag tuman nga yata sa crisis gid bangud ang mga 4Ps kag ang nakabaton na man sang educational assistance at UNIFAST ukon iban pa nga mga scholar sang gobyerno.
Dugang pa sini, indi naman kailangan nga magpila pa ang mga ini bangud may lima ka Sabado pa nga nabilin nga magpanghatag sini sang ayuda.
Apang ang mga nahatagan na sang Sabado sang nasambit nga ayuda ang indi na pagbawion pa sa ila apanag igabuhin ini sa madason nga subsidiya nga ila pagabatunon lunsay sang 4Ps kag mga Unifast grantees ukon iban pa nga mga scholarship.
Nagpromisa man ang opisyal nga indi na matabo pa ang sa isa ka lugar lamang magapatigayon sang pay-out agud nga indi na matabo ang stampede bangud sa pagdinaguso pagtikludanay kag pag-unahanay sang mga luyag sini nga makakuha sa benipisyo halin sa gobyerno.
Madumduman nga sadtong adlaw sang Sabado, Agosto 20,2022 yara sa kabug-usan nga 7,240 ang nakabaton sang pay out halin sa magkalain-lain nga lugar sa bug-os nga Rehiyon 12.
