KORONADAL CITY- Nagapabilin sa gihapon nga zero sa kaso sang African Swine Fever o ASF ang Koronadal City.
Ini ang ginpahayag ni Dr. Charliegmagne Calo,City Veterinarian sang Koronadal sa interbyu sang Bombo Radyo.
Suno sa opisyal, apisar nga wala pa sang kaso apang ginpaklaro sini nga nalakip sa pink zone ang siyudad nga naga buot silingon nga high risk sa ASF ang lugar.
Sa sini nga bahin, mas ginpahugtan pa ang monitoring sang ila naman nga mga Animal Quarantien Checkpoints bangud may yara sang pipila ka mga indibidwal nga naga hana pa nga mag plusot sang mga karne nga baboy kag pork-by products sa Koronadal.
Ginpahayag pa sang opisyal nga sila ang tuman gid nga nagapreparar man kung may yara sang posibilidad kung makasulod ang ASF sa siyudad- sa pihak sini may mga tikang na sila nga ginahimo kag pre-emptive measures, isa na diri amo ang i undergo ang isa ka babaoy gilayon sa culling ang baboy bangud nahibaluan nga wala gid makatapna o kun bulong ang nasambit nga balatian.
Ginhatagan man sang ligwa ni Calo nga ginahimo sang City Veterinary Office ang tanan agud nga indi makalusot ang ASF sa Koronadal.
Amo nga nagpanawagan ini sa publiko nga buligan naman sila sa pakigbato batok naman sa ASF.
