KORONADAL CITY– Ginapaawhag sang isa ka OFW Advocate nga indi gid ibutang sa huna-huna nga sablag ang kabudlay kag kasakit nga ginabatyag sa karun kung may yara ikaw sang handom sa imo kinabuhi.
Ini ang ginpakigbahin ni Mr. Jerry Layco, OFW advocate sa eksklusibo nga interview sang Bombo Radyo Koronadal.
Suno sa iya, apisar sa kabudlay nga ginapangatubang sang mga OFWs sa luwas sang pungsod, bilang advocate man ginahimo gid sini ang tanan agud nga mabuligan ang mga OFWs nga kasamtangan nga yara sa kasakit kag mapait nga sitwasyon sa karun sa luwas sang pungsod.
Dugang pa sini naeksperiensiyahan niya ang kabudlay sa iban nga pungsod kaupod ang mga Pinoy nga nagatrabaho sa luwas, lunsay sa iya nga sitwasyon indi sablag man sa iya nga nagkasakit sya nga ipadayon man ang mga handom sini sa iya kinabuhi apisar sa kabudlay sang sitwasyon sang isa ka OFW.
Gani, nahibaluan niya gid ang mapait nga sitwasyon sang mga OFW nga nagasakripisyo kag ginaagwanta nga malayo sa pamilya.
Madamo sang mga nangin biktima sang pagpangmaltrato, pagkapreso, distressed OFW, ginbawian sang kabuhi, ginabilin sa airport kag mga biktima sang pagpang-abuso.
Bangud sa sitwasyon sang mga OFW nga kasubong sa iya, naghimo ini sang paagi humalin pa sang nag-umpisa ini abroad agud mabuligan ang mga Pinoy paagi sa pagkigkoordinar sa ila agud mapalab-ot sa gobyerno ang ila sitwasyon.
Sa sini nga paagi madamo man ini sang nabuligan nga makapauli nga luwas kag kaupod na sa subong ang ila tagsa ka pamilya kag malipayon nga nagapangabuhi.
Kag sa karun nagapalab-ot ini sa tanan nga nagasuffer sa karun sa ila nga mga employer nga indi mahadlok nga igapakigbato ang kaugalingon bangud bilang isa ka advocate willing magabulig ini agud nga igapalab-ot sa ahensya kag sa gobuerno ang imo nga gina-eksperyensya sa imo nga amo.
