KORONADAL CITY – Naglab-ot sa 3 ka mga purok ang apektado sang pagbaha tuga sang tuman nga pagbubo sang mabaskog nga ulan kahapon sa Barangay Sta. Cruz, Siyudad sang Koronadal.
Ini ang ginkumpirma ni Kapitan Ninfa Tumilap sang Brgay. Sta. Cruz, Siyudad sang Koronadal sa interbyu sang Bombo Radyo.
Suno sa Kapitan, nagluntad ini nga insidente bangud sa mabaskog nga tubig-baha nga dulot sang pila ka oras man nga buhos sang ulan nga kung sa diin apektado ang Purok Tuburan, Purok Agan Homes kag Purok Malipayon.
Suno sa kapitan, bangud sa kabaskog sang tubig may nasudlan nga mga panimalay sang pagbaha apang wala pa ini sang kumpirmasyon kung pila ka mga panimalay ang apektado.
Dugang pa ni Kapitan Tumilap, madugay na nga problema ang nasambit nga mga lugar bangud sa kanal rason nga ginaduso na ini nga makay o na.
Samtang nagpanawagan naman ini sa City LGU nga masabat naman ang ila nga luyag nga bulig para naman sa mga kanal nga nangin tunaan sang pagbaha sa ila nga lugar nga kung mahimo maaksyunan na agud nga mauntat naman ang reklamo sang mga residente sa nasambit nga lugar.
