Isa ka pinasahe nga istorya sang paghigugma ang ginpakigbahin sang isa ka Brazilian nga babaye angot sa paghigugmaanay nila sang isa ka hampangan.
Ginkilala ang babaye kay Meirivone Rocha Moraes 37-anyos nga residente sang Rio De Janiero, Brazil.
Ang na-inlaban sini isa ka “ragdoll ukon hampangan” ang human nga ginhimo sang iya iloy kag ginhingadlan kay Marcelo.
Makaligad ang pila ka bulan nga ila pagnobyohanay natukiban daw sang babaye nga nagabusong na ini.
Kag bangud diri, nagdesisyon ini nga pakasalan na lamang si Marcelo bangud indi niya luyag nga mahibaluan sang publiko nga siya ang nagabusong kag wala sang amay ang iya mangin bata.
Gani, ginpatigayon ang engrande nga kasal sang duha kun diin gintambungan ini sang kapin 250 ka mga indibidwal.
Samtang, ginhiwat naman ang ila week-long honeymoon sa isa ka beach house sa Rio de Janeiro kag ginhulat ang pagbun-ag sang babaye.
Pag-abot sang 9 ka bulan hilway naman nga ginbun-ag sang babaye ang ila nga bata sa ila puluy-an sa bulig sang mga doktor kag nurse samtang naka-live stream sa tunga sang 200 audience.
Tunga naman ang reaksiyon sang katawhan sa kapinasahe sang istorya sang isa ka babaye nga nainlab sa isa ka halampangan, nagpakasal, nagbusog kag nagbun-ag sang isa ka healthy nga baby.
