KORONADAL CITY – Ginbawian sang kabuhi ang isa ka Barangay Kapitan sang Bacdulong, Lake Sebu, South Cotabato makaligad nga naulamid ini sa isa ka disgrasya sa dalanon sa bahin sang National Highway Crossing Kipot, Banga, South Cotabato.
Ginkilala sang mga otoridad ang opisyal nga si Barangay Capt. Julino Kulan sang Brgy. Bacdulong, Lake Sebu, South Cotabato.
Sa interview sang Bombo Radyo Koronadal kag Mrs. Yolly Kulan, asawa sang bikitma, nagkitaay pa sila sa eskwelahan nga iya nga gina ubrahan kag magapadulong suno pa kuntani ang biktima sa Koronadal para kuntani mag transac sa isa ka bangko sang nagluntad ang aksidente.
Naka-engkwentro sang biktima ang isa ka unit sang XRM nga ginamaeho ni Mr. John Gary de Benito Ligahon, 27 years old kag residente sang Brgy. Liwanay, Banga South Cotabato.
Suno sa mga nakakita, halin sa Surallah direction si Kulan kag halin naman si Ligahon sa crossing Banga sakay ang isa pa ka biktima.
Maliko na kuntani ang si Ligahon sa crossing Kipot sang nagluntad ang bangga-anay.
Bangud sa impact sang insidente, nakaangkon sang pilas ang nagka-lain-lain nga lawas sang mga biktima nga nangin tunaan sang kamatayon ni Kulan.
Sa subong naga padayon sa gihapon ang imbestigasyon sang mga otoridad may kaangtanan sa nagluntad nga aksidente.
