KORONADAL CITY- Liwat nga nagbalik ang ‘Libreng Sakay Program’ sang Land Transportation Frnachising and Regulatory Board 12(LTFRB-12).
Ini ang ginpahayag ni Mr. Paternino Reynato Padua, Regional Director sang LTFRB-12 sa interview sang Bombo Radyo Koronadal.
Suno kay Padua, mas mataas na sa karon ang pondo para sa Libreng Sakay Program kung sa diin naglab ot na sa P280 million para sa bug os nga Rehiyon 12.
Ginpaklaro naman sini nga nadugangan ang mga salakyan nga mangin parte sang program bangud lakip na ang mga public utility jeep o PUJ, UV Express vans, mga bas kag iban pa nga mga public utility vehicles.
Sa panibag o nga ‘Libre Sakay Program’, pwede na nga mag updanay sa isa ka salakyan ang mga Authorized Person Outside Residence o APORS kag mga healthcare workers apang magapabilin sa 70% ang capacity sang tagsa ka mga salakyan bangud yara na sa Alert Level 2 pa ang Rehiyon 12.
