KORONADAL CITY- Apat ang pilason nga mga Manobo-Pulangiyon tribe kag kaupod sang presidential candidate nga si Ka Leody De Guzman sa pagpangluthang suno pa sang armies ni Quezon, Bukidnon Mayor Pablo Lorenzo III alas-11:30 kagina sa aga sa bahin sang Barangay Botong, Quezon, Bukidnon.
Ini ang ginkumperma ni De Guzman sa ekslusibo nga interview sang Bombo Radyo Koronadal// Suno sa iya, lakip sa mga pilason ang tupad sini nga si Ka Nanie kag mga Manobo tribe nga sanday Datu Arroyo, ascertain Ager kag Robert Nabatian.
Nagluntad ang pagpanglutahang sa ila sang nag-umpisa nga magpatukod sang ila nga mga puluy-an ang mga manobo sa 4 ka ektarya nga lupa nga gin-angkon suno pa ni Mayor Lorenzo.
Ang nasambti nga lupa ang parte sang 900 ektarya nga Ancestral Domain sang mga Manobo nga ginkamkam sang alkalde// Tuig 2018 pa sang nahatagan sang certification sang NCIP National ang mga Manobo nga ila ang lupa apang wla suno pa ini gin himo sang alkalde tubtub sa subong nga tion.
Luyag suno pa sang mga tribo nga mag balhin sa bakante nga lupa nga parte man sang ila nga Ancestral Domain apang indi sila gusto nga tugutan sang private armies sang alkalde kabangdanan nga nagluntad ang pagpangluthang.
Ginpaklaro man ni De Guzman nga nagkadto sila sa nasambit nga lupa para pamatian ang luyag sang mga tribo nga biktima sang land grabbing suno pa sang alkalde.
Sa subong, yara sa emergency hospital sang Bukidnon si De Guzman kag ang apat pa nga mga nagkalapilasan sa nagluntad nga pagpangluthang.
