-- ADVERTISEMENT --
KORONADAL CITY – Nagapaayo nasubong sa balay-bululngan ang isa ka iloy kag 9 ka bulan nga lapsag sini matapos mapilasan sa pagkatumba sang punuan sang lubi sa ila panimalay sa bahin sang President Quirino, Sultan Kudarat.
Suno sa MDRRMO sang President Quirino bangud sa mabaskog nga hangin dala sang pagbubo sang ulan natumba ang punuan sang lubi sa panimalay sang pamilya Lamigo sa Purok Isemti, Rang-ay, Barangay Romualdez kun diin nagapahuway ang mag-iloy.
Maayo na lamang kag madasig nga nabuligan ang mga ini kag nadala sa hospital.
Sa subong luwas na sa kapahamakan ang mag-iloy.
Nagpasalig naman ang LGU-President Quirino nga pagahatagan sang bulig ang nasambit nga pamilya.
