KORONADAL CITY – Naglab-ot na sa 50 ka kabalayan ang gindalasa sang buhawi sa banwa sang President Quirino, Sultan Kudarat.
Sa interbyu sang Bombo Radyo Koronadal kay President Quirino Municipal Disaster Risk Reduction and Management officer Jonathan Ceballos, napagkit diri ang pito ka panimalay nga totally damaged, samtang partially damaged naman ang iban pa sa bahin sang Brgy. Kalanawi II kag Romualdez.
Sa subong nagalibot na ang mga local kag disaster management officials sa nasambit nga mga lugar agud mahibaloan ang inisyal nga balor sang damyos sang nasambit nga kalamidad.
Gindugang man ni Ceballos nga nakapanagtag naman sila sang bulig para sa mga apektado nga residente tuga sang nasambit nga kalamidad.
Nahibaloan nga ang nasambit nga mga barangay ang masami ginahalitan sang mabaskog nga hangin kag ulan kada tuig.
