KORONADAL CITY – Posible nga magadugay ang lockdown sa pungsod United Kingdom bangud sa makamamatay nga coronavirus disease.
Ini ang ginpakigbahin ni Grace Leagogo, isa ka Pinay OFW sa nasambit nga pungsod sa eksklusibo nga interbyu sang Bombo Radyo Koronadal.
Suno kay Leagogo nga tumandok sang Brgy. Zone 4, Koronadal City, mahimo suno pa ini nga matabo kun padayon nga magpakatig-a ang mga tawo nga wala nagatuman sa ginapatuman nga mga protocol sang mga otoridad kaangot sa nasambit nga balatian.
Gin-ako man sini nga duha man ka kasimanwa naton ang nagpositibo sa covid-19 kun sa diin napatay amo ang 22 anyos suno pa nga Pinay nga nurse samtang ang isa naman ang naka-confine sa Royal Hospital.
Samtang padayon nga nakabantay ang mga Briton kaangot sa kahimtangan ni Prime Minister Boris Johnson makaligad ginsaylo sa intensive care unit bangud sa padayon nga paglala sang iya kondisyon bangud sa covid-19.
