Patay ang walo ka indibdiwal matapos magtibusok ang isa ka charter plane sa western Alaska.
Suno sa Federal Aviation Administration, halin sa Anchorage, Alaska kag padulong tani sa Cape Newenham ang Cessna 441 sang ini nahulog.
Ginpahayag ni Clint Johnson, hepe sang Alaska region sang National Transportation Safety Board, nga duha ka piloto kag anum ka pasahero ang mga biktima.
Ang eroplano isa ka civilian-contracted flight nga may sakay nga walo ka inidibidwal.
Nahobaluan nga pila na lang ka minutos antes tani sang pag-landing sang eroplano sa Cape Newenham Airport sang ini hinali nga nahulog.
Samtang, nagpadayon ang operasyon sang mga awtoridad sa pag-usisa sa natabo nga aksidente.
Sa karon, maid-id nga ginaimbestigahan na sang mag otoridad ang posible nga kabangdanan sang pagtibusok sang eroplano.
