Naglambot sa pito ang kumpirmado nga napatay, samtang siyam pa ang padayon nga ginapangita matapos magluntad ang isa ka mabaskog nga paglupok kag dako nga sunog sa Amur Gas Chemical Complex sa rehiyon sang Russian Far East.
Suno sa mga una nga report, natabo ang insidente samtang ginapatigayon ang startup operations sa amo nga dako nga pasilidad.
Masobra 150 ka trabahador man ang ginreport nga nagagom sang nagkalain-lain nga pilas kag injuries bangud sang insidente.
Ang Amur Gas Chemical Complex isa ka dako nga joint petrochemical project sa tunga sang Russia kag China nga ginatukod sa amo nga rehiyon agud mapabakod ang produksyon sang kemikal kag enerhiya.
Padayon naman ang search and rescue operations sang mga awtoridad sa lugar agud makita ang mga nadula nga mga trabahador.
Nagpatigayon man sila sang malawig nga imbestigasyon agud mahibaluan ang ginhalinan kag matuod nga kabangdanan sang pagsigabong.
