Ginabanta nga pito ka mga tawo ang ginbawian sang kabuhi kag masobra 70 ang pilason matapos nga gin-igo sang Russian-guided bomb ang isa ka residential building kag playground sa northeastern city sang Kharkiv, Ukraine.
Bangud sa nasambit nga insidente, nasunog ang 12-storey apartment block nga nagresulta sa pagtaas sang numero sang mga nasamaran.//Gilayon naman nga nagpadulong ang mga emergency agencies kag rescue volunteers agud magresponder sa lugar.
Suno sa Presidente sang Ukraine nga si Volodymyr Zelenskiy, isa ka 14 anyos nga babayi ang kalakip sa pito ka mga napatay.
Pahayag naman sang mga otoridad, nga lima ka mga guided bombs ukon ginatawag nga “glide bombs” nga ginagamitan sang navigating system agud ma-igo ang target ang ginlunsyar halin sa mga eroplano nga nagikan sa Belgorod region sang Russia.
Ginpanginwala naman sang Russia ang alegasyon kag ginpahayag nga wala ini sang katuyuan nga mag-target sang mga sibilyan.
