Tatlo ka grupo ang may permit nga magpatigayon sang rally malapit sa Batasang Pambansa sa tion sang ika-apat nga State of the Nation Address ukon SONA ni Presidente Ferdinand Marcos Jr.
Suno kay Police Captain Febie Madrid, spokesperson sang Quezon City Police District, ang mga grupo ginpasugtan nga magpahayag sang ila mga saloobin pabor man ukon kontra sa SONA sa ginspecified nga oras.
Apang ginadilian ang pagmartsa sa mga kadalanan, labi na gid sa mga major roads, agud malikawan ang trapiko nga delikado nga maapektuhan.
Kilala nga grupo ang Bayan, nga pirmi naga-kilos protesta sa tion sang SONA, ang isa sa mga nabaton sang permit.
May ara man sang pro-government group nga Maharlika, kag isa pa ka grupo nga ginpahanugutan nga magsuporta ukon magprotesta.
Ginpaathag man ni Capt. Madrid nga ginadili ang pagsunog sang effigy kag iban pa nga simbolo nga pirmi ginahimo sang militanteng grupo.
Para sa seguridad, linibo ka kapulisan ang igapwesto sa palibot sang Batasan kag sa mga kadalanan.
Ang Philippine National Police magapatuman sang maximum tolerance sa bug-os nga aktibidad.
