KORONADAL CITY – Nagsungka ang tatlo ka miyembro sang Bangsamoro Islamic Freedom Fighters makaligad madulaan sang paglaum kag ginkapoy sa pagpakigbato sa gobyerno sa Pikit, North Cotabato.
Ginkilala ang nasambit nga mga BIFF terrorist nga sanday Gaga Abdul, 25 anyos, platoon leader, Jeremy Abdul, 18 anyos kag isa ka 17 anyos nga menor de edad nga lunsay mga residente sang Brgy. Paidu Pulangi sang nasambit nga probinsya.
Kadungan sang pagsungka sang mga ini amo man ang pagsungka sang ila mga armas nga ginalakipan sang 1 homemade Barret sniper rifle, 1 homemade KG9 kag 1 homemade uzi.
Suno naman kay Joint Task Force Central at 6ID Commander, Maj. Gen. Diosdado C. Carreon makabig nga ang pagsungka sang mga ini isa ka patimaan sang pag-umpisa sang kalinong sa pungsod.
