Naga-eksperyensya ang bug-os nga probinsya sang humalin 38°C tubtob 41°C halin sang Abril 22-27 bangud sa El Niño alert.
Kasamtangan nga yara na sa El Niño alert ang bug-os Pilipinas nga mahimo maka-apekto sa ikaayong lawas, agrikultura, kag kasapatan.
Suno kay Rolly Doane Aquino – Provincial Disaster Risk Reduction and Management Officer, iya ginpahayag nga, mas mabatyagan ang tuman ka init sang panahon sa sulod sang El Niño alert kag ini kinahanglan sang husto nga preparasyon.
Ginpahayag ni Aquino nga bangud sa sini nga report halin sa Philippine Atmospheric, Geophysical and Astronomical Services Administration (PAGASA) Department of Science and Technology (DOST), nakatalana nga magpatigayon sang pre-disaster risk assessment sa tunga sang mga nagkalain-lain nga ahensya sang provincial government angot sa preparsyon sang El Niño Phenomenon sa pungsod.
Angot sini, ginpasiguro ni Aquino sa publiko nga tubtob wala sa idalom sa criteria sang Quick Response Fund ang kalamidad nga ma-akesperyensyahan sag probinsya, indi ma-usar kag in place sa gihapon ang pondo angot sini.
Bangud sini, nagpanawagan si Aquino sa publiko nga likawan ang magguwa sa mga oras nga mataas ang temperatura, mag-inom sang madamo nga tubig, kag magsuksok sang preska nga mga panapton agud malikawan ang mga heat related diseases kasubong sang heat stroke.
