Arestado sang Tampakan MPS ang isa ka 28- anyos nga lalaki matapos ini nakumpiskaran sang mga ilegal nga sigarilyo sa Tampakan Public Market, Brgy. Poblacion, Tampakan, South Cotabato. Kahapon nga adlaw sang Lunes, Disyembre 8, 2025.
Ginkilala ang suspek sa kay alyas “Christian”, 28 anyos, kasado, negosyante kag residente sang nasambit nga barangay.
Base sa mga Tampakan MPS, nagpatigayon sila sang sang anti-smuggled cigarette operation kag antes ang pag-aresto may isa ka kostumer nga magbakal unta sang sigarilyo sa amo nga tindahan kag sang nakita sang intelligence operatives nga yara na sa lugar ang ginasuspetsahan nga ilegal nga smuggled cigarettes. Ila ginkadtuan ang suspek nga imbolbado para paangitaan sang dokumento, apang wala ini may mahatag, rason nga gin-aresto ang suspek.
Nakuha sa posesyon sang suspek ang apat (4) ka reams sang Cannon Cigarettes kag tatlo (3) ka reams sang New Berlin Cigarettes nga nagabalor sang Lima ka Libo Kag Anum ka Gatus Kag Apatnapu Pesos (P5,640.00).
Ginpahibalo ang suspek sang iya mga kinamatarong sa idalom sang Miranda Doctrine kag karon yara na sa kustodiya sang istasyon.
Ang mga nakuha nga ebidensya ipaturn-over sa Bureau of Customs para sa nagakaigo nga disposisyon.
