Ginpakita sa liwat ni Ivan Anisimov sang LCW UAE Cycle ang iya kahanas matapos magdaog sa Stage Five sang MPTC Tour of Luzon 2026, nga may kalayuon nga 126.7 km halin Santiago City, Isabela, padul-ong sa Tuguegarao City Hall, Cagayan kun sa diin nakapagkit siya sang oras nga 2:47:25 sa tunga sang tuman ka init sang panahon.
Nagdaog man si Anisimov sa Stage Four halin sa Palayan City, Nueva Ecija, padul-ong sa Bayombong, Nueva Vizcaya.
Lakip man sa top finishers sanday Ryan Tugawin sang Excellent Noodles kag Lee Jung Hoon sang Seoul Cycling Team, nga nakapagkit sang kasubong nga oras.Samtang, napagkit ni Ean Cajucom sang Victoria Sports Pro Cycling ang una nga back-to-back stage winner sa 2025 edition sang nasambit nga tour.
Sa kabug-usan, padayon nga nagapanguna si Nikita Shulchenko sang LCW UAE Cycle sa Individual General Classification nga may oras nga 13:46:45.
