Patay ang masobra 21 ka tawo, samtang 19 naman ang napilasan, matapos maaksidente kag magkalayo ang isa ka pampasahero nga bus malapit sa syudad sang Nassiriya sa Iraq.
Suno sa mga awtoridad, nadulaan sang kontrol ang drayber samtang nagabiyahe sa highway nga nagresulta sang pagtagilid kag pagbaliskad ang bus antes ini nagdabadaba.
Ginkumpirma sang mga pulis kag health officials nga 21 ang nasawi, samtang 19 ang napilasan kag gilayon gindangat sa balay-bululngan.
Kadam-an sa mga napilasan yara sa kritikal nga kondisyon bangud sa mabaskog nga paso sa ila lawas.
Ginmando naman ni Iraqi Prime Minister Ali al-Zaidi ang gilayon nga imbestigasyon agud tukibon eksakto nga gintunaan sang insidnete.
Sa karon, padayon pa ang imbestigasyon sang mga awtoridad angot sa insidente.
