Naglab-ot sa 150 ka mga barko sang China ang nasiplatan sang damlag lang sa West Philippine Sea.
Suno sa Philippine Navy, sumugod Hunyo 4 tubtob 10, 146 ka mga barko sang China ang nasiplatan sa walo ka mga maritime features – 108 ang Chinese Maritime Militia vessels, 22 ang People’s Liberation Army Navy vessels, kag 16 ang China Coast Guard vessels.
Mas mataas ang nasambit nga numero sa 125 ka mga barko nga namonitor sang Mayo 28 tubtob Hunyo 3.
Singkwenta (50) sa mga ini suno sa Philippine Navy ang yara malapit sa Ayungin Shoal, 105 nautical miles nakatundan sang Palawan kag yara sa sulod sang 200-mile exclusive economic zone (EEZ).
Yara naman sa 42 ka mga barko man ang nakit-an sa Pag-asa Island, 33 sa Scarborough Shoal ukon Bajo de Masinloc kag Panatag Shoal.
Aminado naman ang Navy nga wala na ang mga ini makibot sa presensiya sang mga barko sang China, apang ginapanindugan nga indi dapat magtiner ang amo nga mga barko sa nasambit nga mga lugar bangud sakop ini sang EEZ sang pungsod.
