Indi makapati ang grupo sang mga trabahante sa Sri Lanka nga masobra pa sang tubig ang ila makutkutan sa ginahimo nga bubon sa isa ka ugsaran sa Ratnapura City.
Suno sa mga otoridad, isa ka Serendipity Sapphire ang nakutkot sang mga trabahante sa ugsaran sang gem trader nga si Gamage.
Nagatimbang ini sang 1,124 pounds ukon 2.5 million carats kag suno sa mga eksperto, posible maglab-ot ang balor sini sa $100-million sa international market.
Suno kay Gamage, una nga nakakita sang tumalagsahon nga bato ang mga manugkutkot sang bubon antes nila nakit-an ang tuman ka dako nga sapiro.
Ginpahayag pa sini nga madamo pa nga bato nga nakuha sa lugar ang kompirmado nga high-quality sapphires.
Mahibaluan nga ang pangalan nga Ratnapura nga isa ka daku nga siyudad sa Sri Lanka ang nagakahulugan bilang ‘city of gems’ sa Sinhalese.
