Nakaeksperyensya sang nagkalain-lain nga balatian ang 100 ka estudyante sang Koronadal Central Elementary School 1, lakip ang 28 ka kaso sang nosebleed, 21 ka asthma, 14 ka colds, 13 ka chickenpox, 12 ka stomachache, 9 ka rashes kag 3 ka sore eyes.
Bangud sini, nagpatuman ang buluthuan sang half-day face-to-face classes bilang tikang sa pagproteharan ang mga estudyante kag manunudlo batok sa epekto sang sobra nga kainit.
Sa interview sang Bombo Radyo Koronadal, ginpahayag ni Principal 1 Emeline Doruelo nga ginpalip-ot ang class periods agud matapos ang klase alas-11:30 sang aga.
Samtang, paga-answeran na lang sang mga estudyante ang ila mga learning activity sheets sa ila mga panimalay.
Sakop sang amo nga setup ang Kindergarten tubtob Grade 6, apang indi ini mandatory sa tanan nga buluthuan.
Ginhatagan man sang konsiderasyon ang mga manunudlo, lakip ang pagtugot sa mas bugnaw kag presko nga panapton imbes nga school uniform.
Apang pagpaklaro sang principal nga temporaryo lamang ang half-day arrangement kag mahimo ini ibalik sa regular schedule depende sa kahimtang sang panahon.
