Nagpagwa sang warrant of arrest ang Makati City Regional Trial Court Branch 148 batok kay Atty. Levito Baligod bangud sa duha ka kaso nga cyberlibel.
Naghalin ang kaso sa reklamo nga ginpasang-at ni Agriculture Secretary Francisco Tiu Laurel Jr. may kaangtanan sa mga pahayag ni Baligod nga nag-akusar nga nakabaton ini sang kickback sa ginapanumduman nga anomalya sa flood control projects.
Ginmanduan man si Baligod nga magbayad sang ₱20,000 nga piyansa sa kada kaso sang cyberlibel.Ginmado man ang mga otoridad nga sundon ang mga patakaran sang Korte Suprema sa paggamit sang body-worn cameras ukon iban nga recording devices sa tion sang pag-arestar.
Ginkumpirmar ni Baligod nga nabaton niya ang kopya sang warrant of arrest, apang ginpahayag niya nga wala siya nahatagan sang husto nga kahigayunan nga depensahan ang iya kaugalingon bangud wala siya nakabaton sang subpoena halin sa piskalya.
Suno sa abogado, sala ang address nga ginhatag sa tion sang imbestigasyon, gani wala siya nakapasa sang iya counter-affidavit.
Si Baligod ang abogado sang 18 ka indibidwal nga nagpakilala bilang anay bodyguards ni anay Ako Bicol Party-list Representative Zaldy Co, nga ginapangita man sang mga awtoridad bangud sa mga kaso nga iya ginapangatubang sa Pilipinas.
