Magapangayo ang abogado sang beteranong katapo sang media nga si Philip Lustre Jr. sa Department of Justice (DOJ) nga imbestigaran ang posible nga mga iregularidad sa pagdakop sa iya may kaangtanan sa kaso nga cyberlibel sa Davao City, lakip na ang ginapatihan nga paglapas sa iya kinamatarong sa hustisya kag due process.
Suno kay Atty. Dino de Leon sang Lunes, ipanugyan man niya ang mga pagbag-o sa electronic warrant system sang hudikatura agud masiguro nga ang mga pulis nga nagapatuman sang warrant may bastante nga impormasyon parte sa kaso kag makapahangop sang mga rason sa pagdakop sa tawo.
Gindakop si Lustre, 72 anyos, sang Sabado, Oktubre 24, pagkatapos niya magtambong sa isa ka media forum sa Quezon City. Ang warrant of arrest nga ginpatuman sa iya gin-isyu sang isa ka korte sa Davao City sang Oktubre 2.
Ginpagwa man si Lustre sa amo man nga adlaw matapos siya makapiyansa sang ₱48,000.
