Wala sang trabaho nga mga pinoy, nagsaka sa 1.97m sang Oktubre suno sa PSA

Nagsaka ang numero sang mga Filipino nga wala sang trabaho sang Oktubre sini nga tuig suno sa Philippine Statistics Authority (PSA).

Suno kay PSA chief kag National Statistician Claire Dennis Mapa, naglab-ot sa 1.97 million ang wala sang trabaho nga Filipino sang Oktubre nga naga edad 15 anyos pasaka.

Mas mataas ini sa 1.89 million nga nabalhag sang Septiembre apang mas manubo naman sa 2.09 nga nabalhag sang Oktubre 2023.

Ang sunod sunod nga bagyo ang isa sa ginalantaw nga rasun sang PSA kun ngaa nagnubo ang numero sang may trabaho.