Kinahanglan nga magpakita si Vice President Sara Duterte sa nagapadayon nga impeachment hearing sa House Committee on Justice.
Ini ang nangin pahayag ni Professor Danilo Arao sang Department of Journalism sa UP Diliman, sa interview sa Bombo Radyo Koronadal.
Ginpahayag ni Arao, nga indi angay nga mangin bakante ang pulungkuan sang Bise Presidente sa Kamara, kag indi man dapat niya sundon ang ehemplo sang iya amay sa paglikaw sa amo nga proseso.
Suno pa kay Arao, importante nga atubangon ni VP Sara ang mga alegasyon nga ginahaboy batok sa iya, agud mahatagan sang klaro nga sabat ang publiko.
Indi na suno pa sa iya nga kinahanglan palawigon pa ang isyu pinaagi sa madamo nga pahayag kag mas maayo nga direkta niya sabton ang tanan nga alegasyon angot sa isyu sang confidential funds kag iban pa.
Gindugang pa niya nga may katungdanan ang Bise Presidente nga maghatag sang matin-aw nga pagpanginbulahan sa mga pamangkot sang katawhan, agud mahibaluan kun ano ang matuod sa nagalab-ot nga mga akusasyon.
Sa pihak nga bahin, nagpanawagan si Arao sa publiko nga mangin mabinantayon kag mangin aktibo sa pagdepensa sang kamatuoran, agud masiguro nga ang hustisya mahatag sa dapat manabat.
